Վերակենդանացնե՞նք «Սպիտակաձյունիկը և յոթ թզուկները» հեքիաթը։
Ակնաբույժ Ալբերտ Էյմս կրտսերը 1934-ին ստեղծեց մի սենյակ, որն ընդարձակում է մեր տեսողական ընկալման սահմանները։
Սենյակի մի անկյունում հսկա ենք, մյուսում՝ թզուկ։ Այս անհավանական սենյակում, անկյունից անկյուն տեղաշարժվելով, մենք աճում ու փոքրանում ենք, մեկում առաստաղը մեզնից շատ բարձր է, մյուսում կարող ենք գլուխներս խփել դրան, եթե անզգույշ լինենք։
Դիտողների համար սա սովորական սենյակի տեսք ունի, բայց իրականում այստեղ վարպետորեն թաքնված է «կախարդանք», որը ստեղծում է զարմանալի տեսողական խաբկանք։
Այս սենյակը հաճախ «կիրառվում» է ֆիլմերում՝ թզուկների մասնակցությամբ տեսարաններ նկարահանելիս։
