Պատից կախված շրջանակի մեջ դրված փետուրը Ձեզ կստիպի երկրորդ անգամ նայել, իսկ գուցե նաև՝ ավելի շատ անգամներ։ Ձեզ թվում է, թե կադրում երևացող առարկաները դանդաղ շարժման ռեժիմում են։ Բայց դա ընդամենը տեսողական խաբկանք է։ Այս ցուցանմուշը Ձեզ օգնելու է պատկերացում կազմել, թե ինչպես էին ժամանակին, երբ այսքան զարգացած չէր տեխնիկան, ֆիլմերում ստեղծվում դանդաղ կադրերը։
Որքան էլ մեր աչքը համարենք զարգացած ու զարմանահրաշ օրգան, կան բաներ, որ այն չի հասցնում ֆիքսել։ Օրինակ՝ լույսի շարժման արագությունը։ Հենց այս փաստն էլ օգնում է իլյուզիայի կայացմանը․ շրջանակի կողքերին տեղադրված լույսի արագ թարթումն առաջացնում է շրջանակի մեջ վերցրած փետուրի շարժման էֆեկտը։